Kibercinayətkarlar minlərlə cihazı ələ keçirərək yeni hücum sistemi yaradıb
Fins.az - Kibertəhlükəsizlik üzrə mütəxəssislər xəbərdarlıq ediblər ki, kibercinayətkarlar dünyada 14 mindən çox internetə qoşulan cihazı gizli şəkildə ələ keçirərək yeni kiberhücum sistemi yaradıblar.
Məlumata görə, “KadNap” adlandırılan zərərli proqram əsasən “Asus” şirkətinə məxsus routerləri hədəfə alır. Yoluxmuş cihazlar daha sonra zərərli internet trafiki yönləndirmək və genişmiqyaslı kiberhücumlar həyata keçirmək üçün istifadə olunur.
“KadNap” botneti ilə bağlı məlumatlar “Lumen Technologies” şirkətinin hazırladığı hesabatda açıqlanıb. Bildirilir ki, sistem şəbəkələr tərəfindən aşkarlanmanın qarşısını almaq üçün mərkəzləşdirilməmiş peer-to-peer texnologiyasından istifadə edir.
Tədqiqatçılar bildiriblər ki, zərərli proqramın qurbanlarının əksəriyyəti ABŞ-də yerləşir. Bununla yanaşı, Böyük Britaniya, Avstraliya, Braziliya, Rusiya və Avropanın müxtəlif ölkələrində də yoluxmuş cihazlar aşkar edilib.
