Elektron Kənd Təsərrüfatı İnformasiya Sisteminə yeni modullar əlavə ediləcək

Elektron Kənd Təsərrüfatı İnformasiya Sisteminə (EKTİS) yeni modullar əlavə ediləcək.

Fins.az-ın məlumatına görə.  bunu subsidiyaların verilməsi, fermer kartlarının paylanması və güzəştli gübrə satışı ilə bağlı təşkil olunan brifinqdə çıxış edən Kənd Təsərrüfatı Nazirliyinin mətbuat katibi Vüqar Hüseynov deyib.

Onun sözlərinə görə, yeni modullar arıçılıq sahəsi üzrə pətəklərin qeydiyyata alınmasını və yazlıq əkinlərin qeydiyyatının aparılmasını nəzərdə tutur: "Bundan başqa, sistemə baramaçılığa dair də modulun əlavə edilməsi nəzərdə tutulub ki, sahə üzrə də subsidiyalaşdırılma prosesi təxminən avqustun 1-dək başa çatdırılacaq".