Azərbaycan əhalisi ötən ay ərzaq məhsullarının alışını kəskin artırıb

Bu ilin yanvar-may aylarında Azərbaycanın pərakəndə ticarət şəbəkəsində istehlakçılar tərəfindən təkcə ərzaq məhsullarına 7 537,6 mln. manat xərclənib.

Fins.az-ın Dövlət Statistika Komitəsinin məlumatları əsasında apardığı hesablamalarına görə, bu göstərici 2020-ci ilin eyni dövrü ilə müqayisədə 2,4% artıb.

Təkcə may ayında əhali ərzaq məhsullarına 1,647 mlrd. manat xərcləyib ki, bu da aprel ayı ilə müqayisədə 30,5% çoxdur.

Qeyd edək ki, aprel ayında əhalinin ərzaq məhsullarına xərcləri 1,262 mlrd. manat təşkil edib, bu da 11 aylıq minimum kimi qeydə alınıb.