Yeni Esteo MX krossoverinin istehsalına başlanılıb

Fins.az - Rusiya bazarı üçün nəzərdə tutulan yeni ortaölçülü krossover Esteo MX modelinin istehsalına başlanılıb.

Məlumata görə, avtomobilin istehsalı AGR Automotive Group tərəfindən idarə olunan Şuşarıdakı zavodda həyata keçirilir.

AGR holdinqi bir neçə avtomobil layihəsini Çin şirkəti Defetoo ilə əməkdaşlıq çərçivəsində inkişaf etdirir.

2026-cı ilin aprelində təqdim edilən Esteo markasının ilk modeli məhz Esteo MX krossoveri olub.

Yeni model D-seqmentinə aid ortaölçülü SUV kimi mövqeləndirilir və Rusiya avtomobil bazarında yerli brend kimi satışa çıxarılır.