Yaponiyada uşaqların sayı tarixi minimuma enib

Fins.az - Yaponiyada yaşı 15-dən aşağı olanların sayı ardıcıl 45 ildir azalaraq tarixi minimuma düşüb.

Rəsmi məlumatlara görə, uşaqların sayı ötən illə müqayisədə 350 min nəfər azalaraq 13,29 milyona enib. Daxili İşlər və Rabitə Nazirliyi bildirir ki, onların ümumi əhali içində payı 10,8% təşkil edir ki, bu da 1950-ci ildən bəri ən aşağı göstəricidir.

Hökumətin doğum səviyyəsini artırmaq üçün gördüyü tədbirlərə baxmayaraq, azalma tendensiyası davam edir. Uşaqların yaş bölgüsü də bu dinamikanı təsdiqləyir: 12–14 yaş arası 3,09 milyon, 0–2 yaş arası isə cəmi 2,13 milyon uşaq qeydə alınıb.

Eyni zamanda, Səhiyyə, Əmək və Rifah Nazirliyinin ilkin məlumatına görə, 2025-ci ildə doğulan uşaqların sayı 705 minə enərək tarixdə ən aşağı səviyyəyə düşüb. Bu göstərici artıq ardıcıl 10 ildir azalır.