Yaponiya sahillərində 3 milyon illik sualtı vulkan aşkarlanıb

Fins.az - Yaponiya alimləri Sakit okeanın dibində, Minamitori adası yaxınlığında təxminən 3 milyon il yaşı olan sualtı vulkan aşkar ediblər.

Tədqiqatçılar bildirirlər ki, bu kəşf nadir “petit-spot” tipli vulkanik fəaliyyətə aiddir. Bu cür vulkanlar tektonik plitələrin toqquşması nəticəsində deyil, okean plitəsinin əyilməsi və mexaniki deformasiyası nəticəsində yaranır.

Sözügedən obyekt Yaponiyanın ən şərq nöqtəsinə yaxın, Sakit okeanın uzaq qərb hissəsində yerləşir. Onun mövcudluğu dəniz dibinin batimetrik xəritələşdirilməsi və dərinlik tədqiqatları nəticəsində müəyyən edilib.