Vladimir Putin Dərbənddə Azərbaycan Teatrının açılışına qatılacaq

Fins.az - Rusiya Prezidenti Vladimir Putin martın 27-də videokonfrans vasitəsilə Dərbənddə əsaslı təmirdən sonra istifadəyə verilən Azərbaycan Dövlət Musiqili Dram Teatrının açılış mərasimində iştirak edəcək.

Bu barədə Kremlin mətbuat katibi Dmitri Peskov məlumat verib. Onun sözlərinə görə, tədbir Beynəlxalq Teatr Gününə təsadüf edir və teatrın tarixi XIX əsrə gedib çıxır.

Peskov bildirib ki, açılış mərasimində iştirak etmək üçün Azərbaycandan da qonaqların Dərbəndə səfəri gözlənilir.