UNESCO xəbər mediası üçün ədalətli ödənişlər üzrə qlobal məsləhətləşmələrə başlayıb

Fins.az - UNESCO onlayn platformalar və süni intellektin jurnalist məzmunundan artan istifadəsi fonunda xəbər mediası üçün ədalətli ödəniş mexanizmləri üzrə qlobal məsləhətləşmələrə başlayıb.

Təşəbbüs media sektorunun dayanıqlığını gücləndirmək, jurnalistikanın gələcəyini qorumaq və informasiya bütövlüyünü təmin etmək məqsədi daşıyır.

UNESCO-nun açıqlamasında qeyd olunub ki, hazırkı rəqəmsal transformasiya dövründə xəbər məzmununun dəyərinin qorunması və ədalətli şəkildə kompensasiya edilməsi əvvəlkindən daha vacib hala gəlib.

Proses çərçivəsində müxtəlif ölkələrdən media nümayəndələri, texnologiya şirkətləri və ekspertlərin iştirakı ilə müzakirələrin aparılması nəzərdə tutulur.