Türkiyədə 15 İyul münasibətilə Şəhidlər körpüsünə kütləvi yürüş keçiriləcək

Fins.az - Türkiyədə 15 İyul – Demokratiya və Milli Birlik Gününün 10-cu ildönümü münasibətilə İstanbulda Şəhidlər körpüsünə kütləvi yürüş təşkil olunacaq.

Tədbir Prezident Administrasiyasının Kommunikasiya İdarəsi, Gənclər və İdman Nazirliyi, İstanbul Valiliyi və Türkiyə Atletika Federasiyasının koordinasiyası ilə keçiriləcək.

Proqram çərçivəsində minlərlə iştirakçı körpü istiqamətində təxminən 4 kilometrlik piyada yürüş edəcək, 15 İyul şəhidlərinin xatirəsini yad edəcək və qazilərə ehtiramını ifadə edəcək.