Türkiyə Ukraynaya 5 milyard dollar investisiya qoyub

Finss.az - Türk biznesmenləri, müharibənin mənfi təsirlərinə baxmayaraq, Ukraynada daha çox şirkət açmağa davam edirlər.

Türkiyə-Ukrayna İş Adamları Dərnəyinin (TUİD) rəhbəri Burak Pəhlivan bildirib ki, 2024-cü ildə Ukraynada xarici kapitallı 1109 şirkət açılıb və onların təxminən 20%-i türk kapitallı olub. Bu, türk şirkətlərinin Ukraynada açdığı ən çox xarici şirkət olduğuna işarə edir.

Pəhlivan, bu gün Ukraynada 1100-dən çox türk şirkətinin fəaliyyət göstərdiyini və Türkiyənin Ukraynaya yatırdığı investisiyaların 5 milyard dollara yaxınlaşdığını qeyd edib. Eyni zamanda, iki ölkə arasındakı ticarət müharibədən əvvəlki səviyyədə qalmağa davam edir. Azad Ticarət Sazişi isə ticarət və investisiya proseslərini sürətləndirəcək.

Zemfira Ms
Finss.az