Türkiyə Mərkəzi Bankı faiz dərəcəsi ilə bağlı qərarını iyunun 11-də açıqlayacaq

Fins.az - Türkiyə Mərkəzi Bankı faiz dəhlizinin parametrləri ilə bağlı növbəti qərarını iyunun 11-də açıqlayacaq.

Qərar Mərkəzi Bankın sədri Fatih Karahannin rəhbərliyi ilə keçiriləcək Pul-Kredit Siyasəti Komitəsinin iclasında qəbul ediləcək.

Məlumata görə, iclasın Bakı vaxtı ilə saat 15:00-da başa çatması və qərarın bundan sonra ictimaiyyətə təqdim olunması planlaşdırılır.

Maliyyə bazarları və investorlar Türkiyə Mərkəzi Bankının faiz siyasəti ilə bağlı verəcəyi qərarı diqqətlə izləyirlər. Bu qərarın ölkənin inflyasiya göstəricilərinə, valyuta bazarına və ümumi iqtisadi aktivliyə təsir göstərəcəyi gözlənilir.