Türkiyə Aralıq dənizində logistika limanı tikir

Türkiyə hərbi gəmilərin ehtiyacları üçün Şimali Kiprdə logistika limanı tikəcək

Fins.az xəbər verir ki, bu barədə “Yeni şəfəq” nəşri məlumat yayıb.

Məlumata görə, Türkiyə hökuməti Şərqi Aralıq dənizində yaşanan gərginliyə görə bölgədəki hərbi gəmilərin texniki cəhətdən gücləndirilməsini planlaşdırır.

Bildirilir ki, ya Qazimağusa ya da İskələdə dəniz limanı inşa ediləcək.

Hərbi Dəniz Qüvvələri Komandanlığının logistik liman üçün plan hazırladığı və işlərin araşdırma mərhələsində olduğu vurğulanıb.

Araşdırma mərhələsindən sonra işlər sürətləndiriləcək.