Tuapsedə su hövzələrindən 4 mindən çox kubmetr neft məhsulu təmizlənib

Fins.az - Rusiyanın Tuapse şəhərində baş verən neft sızması ilə bağlı təmizləmə işləri davam etdirilir.

Məlumata görə, indiyədək üç ərazidən ümumilikdə 4 165 kubmetr çirklənmiş torpaq və su-mazut qarışığı toplanıb. İşlər dəniz terminalının ərazisində, Tuapse çayının mənsəbində və sahil xətti boyunca aparılır.

Hadisənin baş verdiyi ərazidə xüsusi qoruyucu baryerlər quraşdırılıb və neft tutucu sistemlər tətbiq edilib. Neft məhsulları sudan əsasən texnika vasitəsilə toplanır, sahil zolağında isə təmizlik işləri fasiləsiz davam edir.

Bölgədə ekoloji vəziyyətin sabitləşdirilməsi istiqamətində tədbirlər görülür.