Tramp 2028 seçkiləri üçün Vens və Rubionu “ideal komanda” adlandırdı
Fins.az - ABŞ prezidenti Donald Trump hazırkı vitse-prezident JD Vance və dövlət katibi Marco Rubio barədə diqqətçəkən açıqlama verib.
O, hər iki siyasətçini 2028-ci il prezident seçkilərində Respublikaçılar Partiyasının mümkün namizədləri və “ideal komanda” adlandırıb.
Tramp Ağ Evin Gül bağında keçirilən tədbirdə çıxışı zamanı “Cey Di və Marko” tandeminin seçki bülleteni üçün çox yaxşı səsləndiyini bildirib.
“Bu, seçki bülleteni üçün əla səslənir: Cey Di və Marko. Məncə, bu ideal komandadır, amma hələ bəzi detallar qalır”, – deyə Tramp vurğulayıb.
ABŞ prezidenti tədbir iştirakçılarına müraciət edərək alqışlarla kimə daha çox simpatiya bəslədiklərini müəyyən etməyi təklif edib. O, auditoriyadan həm JD Vance, həm də Marco Rubio ilə bağlı münasibətlərini alqışlarla ifadə etmələrini istəyib.
Bununla belə, Tramp bu iki siyasətçidən hansını gələcək prezident, hansını isə vitse-prezident postunda gördüyünü açıqlamayıb.
Qeyd edək ki, ABŞ-da növbəti prezident seçkiləri 2028-ci ilin noyabr ayında keçiriləcək. Respublikaçılar Partiyasında namizədlərlə bağlı müzakirələrin artıq indidən başlaması isə siyasi gündəmin əsas mövzularından biri hesab olunur.
