Tokioda 2,7 milyon dollarlıq qarət işi üzrə yakudza üzvləri saxlanılıb

Fins.az - Tokio polisi paytaxtda pul daşıyanlara qarşı həyata keçirilən qarət hadisəsi ilə bağlı yeddi nəfəri saxlayıb. Saxlanılanlar arasında Yaponiyanın mafiya təşkilatı olan yakudza üzvləri də var.

İstintaqın məlumatına görə, hadisə yanvarın 29-u axşam saatlarında baş verib. Hücum edənlər avtomobilə üç çamadan nağd pul yükləyən inkassatorlara hücum ediblər. Çamadanlarda təxminən 420 milyon yen, yəni 2,7 milyon dollar məbləğində pul olub.

Cinayətkarlar gözyaşardıcı qazdan istifadə edərək pulları ələ keçirib və onları gözləyən avtomobillə hadisə yerindən qaçıblar. Qaçarkən onlar təsadüfi bir piyadanı da vurublar.