Şri-Lanka telekommunikasiya fırıldaqçılığında şübhəli bilinən 125 nəfəri Çinə təhvil verib

Fins.az - Şri-Lanka polisi telekommunikasiya fırıldaqçılığında şübhəli bilinən 125 nəfəri Çinə geri qaytarıb.

Çin İctimai Təhlükəsizlik Nazirliyinin məlumatına görə, həmin şəxslər martın 29-da Çinin Şri-Lankadakı səfirliyinin və Çin polisinin dəstəyi ilə repatriasiya olunublar. Birgə əməliyyat Çin və Şri-Lanka hüquq-mühafizə orqanları arasında sərhədyanı telekommunikasiya fırıldaqçılığına qarşı mübarizə məqsədilə beynəlxalq əməkdaşlığın dərinləşdirilməsi nəticəsində həyata keçirilib.

Son dövrlərdə Şri-Lanka polisi tərəfindən keçirilən əməliyyatlar nəticəsində bir neçə fırıldaqçılıq şəbəkəsi ifşa olunub və cinayət əməllərində iştirak edən şəxslər saxlanılıb. Nazirlik rəsmisi bildirib ki, transmilli cinayətkarlıqla mübarizə məqsədilə daha çox ölkə ilə hüquq-mühafizə sahəsində əməkdaşlıq genişləndiriləcək və səmərəli mexanizmlər formalaşdırılacaq.