Sincandan Avropaya yük qatarlarının sayı 6,7 faiz artıb

Fins.az - 2026-cı ilin ilk altı ayında Çinin Sincan Uyğur Muxtar Rayonundakı dəmir yolu keçid məntəqələrindən Çin–Avropa–Asiya marşrutu üzrə 9549 yük qatarı hərəkət edib.

Məlumata görə, bu göstərici ötən ilin eyni dövrü ilə müqayisədə 6,7 faiz çoxdur.

Bildirilir ki, cari ilin əvvəlindən etibarən Çinin müxtəlif bölgələrindən Çin–Avropa–Asiya beynəlxalq yük qatarlarının reysləri artırılıb. Nəticədə Sincan üzərindən keçən yük qatarlarının sayı da yüksələrək regionun beynəlxalq logistika və tranzit daşımalarında əhəmiyyətini daha da artırıb.