Şimal Kuril adaları yaxınlığında 5 maqnitudalı zəlzələ baş verib

Fins.az - Şənbə günü səhər saatlarında Sakit okeanda, Şimal Kuril adaları yaxınlığında 5 maqnitudalı zəlzələ qeydə alınıb.

Məlumata görə, yeraltı təkanların episentri Paramuşir adasında yerləşən Severo-Kurilsk şəhərindən təxminən 76 kilometr cənub-şərqdə yerləşib.

Zəlzələ ocağı dəniz dibinin təxminən 39 kilometr dərinliyində qeydə alınıb.

Hazırda dağıntılar, xəsarət alanlar və ya sunami təhlükəsi barədə məlumat verilməyib. Mütəxəssislər bölgədə seysmik vəziyyəti izləməyə davam edirlər.