Scandinavian Airlines 40-a qədər Airbus A330 təyyarəsi alacaq

Fins.az - Scandinavian Airlines (SAS) tarixinin ən böyük investisiya layihələrindən birini həyata keçirərək 40-a qədər Airbus A330 təyyarəsinin alınması ilə bağlı razılıq əldə edib.

Sifarişə yeni nəsil Airbus A330-900 ailəsinə aid A330neo təyyarələri ilə yanaşı, əvvəlki nəsil Airbus A330-300 laynerləri də daxildir.

Şirkət bildirir ki, yeni təyyarələrin alınması donanmanın yenilənməsi, uzunməsafəli marşrutların genişləndirilməsi və sərnişinlərə daha yüksək xidmət keyfiyyətinin təqdim edilməsi məqsədi daşıyır.