Rusiya “YUKOS”un sabiq səhmdarlarına 50 mlrd. dollar ödəməlidir

Haaqa Apelyasiya Məhkəməsi Rusiyanın “YUKOS” neft şirkətinin sabiq səhmdarlarına 50 milyard dollar məbləğində kompensasiya ödəməsi barədə qərar qəbul edib.

Fins.az-ın TASS-a istinadən verdiyi xəbərə görə, bu barədə məlumat bu gün məhkəmənin saytında yerləşdirilib.

Bildirilib ki, Haaqa Apelyasiya Məhkəməsi Haaqa Dairə Məhkəməsinin qərarını ləğv edib.

Beləliklə, 2014-cü ildə Haaqa Arbitraj Məhkəməsinin Rusiyanın “YUKOS” neft şirkətinin sabiq səhmdarlarına dəymiş zərərə görə 50 milyard dollar həcmində kompensasiya ödəməli olduğu barədə qərar yenidən qüvvəyə minib.

Rusiya qərardan Niderland Ali Məhkəməsinə şikayət verə bilər.

©APA