Rolls-Royce Phantom Regatta adlı unikal xüsusi versiyanı təqdim edib

Fins.az - Rolls-Royce xüsusi sifariş əsasında hazırlanmış və cəmi bir nüsxədə istehsal edilən Phantom Regatta modelini təqdim edib.

“Quru yaxtası” kimi xarakterizə olunan eksklüziv sedanın canlı təqdimatı Böyük Britaniyada keçiriləcək Gudvud Sürət Festivalında baş tutacaq.

Rolls-Royce Phantom modeli 1925-ci ildən istehsal olunur. Hazırda marka 2017-ci ildə təqdim edilən və 2022-ci ildə yenilənən səkkizinci nəsil Phantom-u istehsal edir.

Phantom Regatta şirkətin varlı müştəriləri üçün fərdi sifariş əsasında hazırladığı eksklüziv avtomobillər seriyasının növbəti nümayəndəsidir.