“Qazprom”: “Mavi axın” qaz kəmərini dəstəkləyən stansiyaya dron hücumu olub

Fins.az - Rusiyanın “Qazprom” şirkəti bildirib ki, “Mavi axın” qaz kəmərini dəstəkləyən “Krasnodarsk” kompressor stansiyası iyulun 7-si axşamı dron hücumuna məruz qalıb.

Şirkətin açıqlamasına görə, hücumun məqsədi Rusiyadan Türkiyəyə təbii qazın fasiləsiz nəqlini pozmaq olub. Bildirilib ki, dəyən zərərin aradan qaldırılması istiqamətində işlər aparılır və görülən təxirəsalınmaz tədbirlər nəticəsində qaz təchizatında fasiləyə yol verilməyib.