Qazaxıstanda ordu üçün robot və dronların hazırlanmasına start verilib

Fins.az - Qazaxıstanda pilotsuz uçuş sistemləri, yerüstü robot texnikası istehsalçıları, kibertəhlükəsizlik və taktiki təlim üzrə mütəxəssisləri bir araya gətirən “Shaiqas-2026” hərbi mühəndislik çempionatı başlayıb.

Qazaxıstan Müdafiə Nazirliyinin məlumatına görə, layihənin əsas məqsədi ölkənin Silahlı Qüvvələri üçün perspektivli mühəndislik həllərini müəyyənləşdirmək və onların gələcəkdə tətbiqini təmin etməkdir.

Çempionat çərçivəsində iştirakçılar ordu üçün nəzərdə tutulan robot sistemləri, pilotsuz uçuş aparatları və digər innovativ texnoloji həlləri təqdim edəcəklər.