Qazaxıstanda antiterror təlimi keçirilir

Fins.az - Qazaxıstanın Akmola vilayətinin Arşalı rayonunda yerləşən Arşalı qəsəbəsində iyunun 30-da antiterror təlimi keçirilir.

Təlim çərçivəsində qəsəbədə nəqliyyat vasitələrinin və vətəndaşların hərəkətinə müvəqqəti məhdudiyyətlər tətbiq olunub.

Akmola vilayəti Terrorla Mübarizə Əməliyyat Qərargahı sakinləri keçirilən tədbirlərə anlayışla yanaşmağa, hüquq-mühafizə orqanlarının əməkdaşlarının qanuni tələblərinə əməl etməyə çağırıb.

Qərargah həmçinin vətəndaşlara yalnız rəsmi məlumat mənbələrinə etibar etməyi və təsdiqlənməmiş məlumatları yaymamağı tövsiyə edib.