Qazaxıstan rəqəmsal mayninq üçün səmt qazından enerji istifadə edəcək

Fins.az - Qazaxıstan Prezidenti Kasım-Jomart Tokayev ölkədə rəqəmsal aktivlər sənayesinin inkişafını təşviq edən fərman imzalayıb.

Sənədə əsasən, neft və təbii qaz yataqlarında dövlət ehtiyacları üçün tələb olunmayan səmt qazından avtonom elektrik enerjisi istehsal ediləcək. Həmin enerji isə rəqəmsal mayninq fəaliyyətinin təmin edilməsinə yönəldilə biləcək. Qərarın məqsədi enerji resurslarından daha səmərəli istifadə etməklə rəqəmsal aktivlər sektorunun inkişafını dəstəkləməkdir.