Qazaxıstan neftinin Azərbaycandan tranziti 4 mln tona çatıb

Fins.az - Azərbaycan Dövlət Neft Şirkəti (SOCAR) və Qazaxıstanın “KazMunayGaz” şirkəti Qazaxıstan neftinin Azərbaycandan tranzit həcmini 4 milyon tonadək çatdırıb. Martın 12-də Aktau limanından “Prezident Heydər Əliyev” tankerilə 427-ci partiya yola çıxıb və 13 martda “Azərtrans” terminalına çatıb. Tranzitin 3,8 mln tonu Tenqiz yatağına, 200 min tonu isə Kaşağan yatağına aiddir. Neft burada Bakı-Tbilisi-Ceyhan boru kəməri vasitəsilə Türkiyəyə göndərilir. SOCAR-ın layihədə iştirakı SOCAR Midstream Operations vasitəsilə həyata keçirilir.