Putin və Bəhreyn kralı telefon danışığı aparıblar

Fins.az - Vladimir Putin ilə Hamad bin Isa Al Khalifa arasında telefon danışığı baş tutub.

Kremlin məlumatına görə, tərəflər ticarət-iqtisadi, maliyyə-investisiya və mədəni-humanitar sahələrdə Rusiya–Bəhreyn əməkdaşlığının daha da gücləndirilməsi niyyətini təsdiqləyiblər.

Danışıqlar zamanı Yaxın Şərqdəki vəziyyət də müzakirə olunub. Liderlər İran ətrafında yaranmış böhranlı vəziyyətin siyasi və diplomatik yollarla tezliklə həll edilməsinin vacibliyini vurğulayıblar.

Onlar həmçinin region ölkələrinin maraqlarının qeyd-şərtsiz nəzərə alınmasının əhəmiyyətini qeyd ediblər.