Polşada Aramco üçün dörd yeni yanacaq anbarı tikiləcək

Fins.az - PERN şirkəti Aramco Fuels Poland ilə uzunmüddətli əməkdaşlıq müqaviləsi imzaladığını açıqlayıb.

Müqaviləyə əsasən, PERN 2028-ci ilə qədər Polşanın müxtəlif bölgələrində yerləşən bazalarda dörd yeni yanacaq anbarı inşa edəcək.

Şirkətin məlumatına görə, əlavə saxlama gücləri yanacaq ehtiyatlarının daha səmərəli idarə olunmasına, əməliyyat planlaşdırmasının yaxşılaşdırılmasına və ölkənin yanacaq təminatı sisteminin dayanıqlığının artırılmasına imkan verəcək.

Layihənin həmçinin bazarda tələbat dəyişiklikləri və logistika problemləri zamanı yanacaq təchizatının sabitliyini gücləndirəcəyi bildirilir.