Peruda prezident seçkilərində namizədləri cəmi 650 səs ayırır

Fins.az - Peruda prezident seçkilərinin ikinci turunda səslərin 98 faizi hesablandıqdan sonra namizədlər arasında fərq cəmi 650 səs təşkil edir.

Məlumata görə, Argentinanın paytaxtı Buenos-Ayresdən göndərilən və xaricdə yaşayan peru vətəndaşlarının seçki bülletenlərini əhatə edən son diplomatik poçt çantası Limaya çatdırılıb.

Bildirilir ki, xaricdə səs vermiş seçicilərin səsləri seçkinin yekun nəticəsinin müəyyənləşdirilməsində həlledici rol oynaya bilər.

Hazırda seçki orqanları qalan bülletenlərin hesablanmasını davam etdirirlər.

Mütəxəssislər yekun nəticənin xaricdə yaşayan seçicilərin səslərindən asılı olacağını qeyd edirlər.