Norveç 2035-ci ilə qədər hərbi xərcləri ÜDM-in 3,5%-inə çatdırmağı planlaşdırır

Fins.az - hökuməti hərbi xərcləri əhəmiyyətli dərəcədə artırmağı və 2035-ci ilə qədər ÜDM-in 3,5%-inə çatdırmağı planlaşdırır. Bu barədə ölkənin baş naziri Jonas Gahr Støre mətbuat konfransında bildirib.

Støre qeyd edib ki, 2030-cu ilə qədər Müdafiə sektorunun Uzunmüddətli Planının maliyyə bazası 31 milyard Norveç kronu artırılacaq və 2036-cı ilə qədər ümumilikdə təxminən 115 milyard kron əlavə ediləcək. Bu, hərbi büdcəni indiki təxminən 112 milyard kron səviyyəsindən 2035-ci ildə 190 milyard krondan çoxa çatdıracaq və Norveç NATO-nun üzv ölkələr tərəfindən gözlənilən 3,5% hədəfinə doğru irəliləyəcək.

Hərbi planın prioritetləri arasında Finnmark briqadasının formalaşdırılmasının planlaşdırılandan iki il əvvəl tamamlanması, silah istehsalına investisiyaların artırılması, yeni sualtı qayçıların mərhələli tətbiqinin sürətləndirilməsi, ilk iki fırkateynin alınması, kritik müdafiə infrastrukturlarının müasirləşdirilməsi, radioelektron mübarizə, yaxın hava müdafiəsi və dronlara qarşı qorunma imkanlarının gücləndirilməsi yer alır.