Kanada futbol üzrə DÇ-2026 üçün 800 milyon dollardan çox vəsait ayıracaq

Fins.az - Kanada hökuməti 2026-cı il futbol üzrə dünya çempionatının keçirilməsi üçün təxminən 1,1 milyard Kanada dolları ayıracaq.

Parlament hesabatına əsasən, bu məbləğ təxminən 801 milyon ABŞ dollarına bərabərdir.

Ölkədə ümumilikdə 13 oyun keçiriləcək. Onlardan 10-u qrup mərhələsinə, 3-ü isə pley-off mərhələsinə aid olacaq.

Hesablamalara görə, hər bir oyunun təşkili üçün orta hesabla 82 milyon Kanada dolları xərclənəcək.

2026 FIFA World Cup Şimali Amerikada keçiriləcək və turnirə ABŞ, Kanada və Meksika birgə ev sahibliyi edəcək.