İyunun 20-si Ümumdünya Qaçqınlar Günü kimi qeyd olunur

Fins.az - Hər il iyunun 20-də dünya ictimaiyyəti Ümumdünya Qaçqınlar Gününü qeyd edir.

Bu gün Birləşmiş Millətlər Təşkilatı Baş Məclisinin 2000-ci ildə qəbul etdiyi qətnamə əsasında təsis edilib.

Ümumdünya Qaçqınlar Günü müharibə, zorakılıq və təqiblər səbəbindən öz ölkələrini tərk etməyə məcbur qalan insanların gücünə, dözümlülüyünə və cəsarətinə diqqət çəkir.

Eyni zamanda bu gün onların yaşadığı çətinliklər barədə ictimai məlumatlılığın artırılması və cəmiyyətlərdə həmrəyliyin gücləndirilməsi məqsədi daşıyır.