İsveçrədə buzlaqların əriməsi rekord həddə çatıb

Fins.az - İsveçrədə buzlaqların qış mövsümündə topladığı bütün qar və buz ehtiyatlarının iyunun 29-dək əriməsi gözlənilir. Bu, ölkə tarixində ikinci ən erkən buzlaq itkisi günü kimi qeydə alınacaq.

Mütəxəssislərin sözlərinə görə, davam edən güclü istilik dalğası buzlaqların ərimə prosesini əhəmiyyətli dərəcədə sürətləndirib.

Adətən avqust ayında müşahidə olunan qar və buz ehtiyatlarının tam əriməsi bu il aylarla davam edən əlverişsiz hava şəraiti və yüksək temperatur səbəbindən qeyri-adi dərəcədə erkən baş verir.

Ekspertlər qeyd edirlər ki, buzlaqların sürətlə əriməsi iqlim dəyişikliklərinin təsirinin daha bir göstəricisidir və uzunmüddətli perspektivdə su ehtiyatları ilə yanaşı, dağ ekosistemlərinə də ciddi təsir göstərə bilər.