İsveçdə ilan sancmalarından zərər çəkən ev heyvanlarının sayı artıb

Fins.az - İsveçdə may ayında ilan sancmalarından zərər çəkmiş it və pişiklərin sayında kəskin artım qeydə alınıb.

Evidensianin məlumatına əsasən, ötən ilin eyni dövrü ilə müqayisədə müraciətlərin sayı 63 faizdən çox yüksəlib.

Mütəxəssislər bu artımı isti və günəşli hava şəraiti ilə əlaqələndirirlər. Belə hava insanların və ev heyvanlarının daha çox açıq havada vaxt keçirməsinə səbəb olur ki, bu da riskləri artırır.

Baytarlar bildirirlər ki, bu il ilan sancmalarının nəticələri daha ağır olub və bir çox hallarda müalicə üçün antidot tətbiqi tələb edilib.