İslamofob Rasmus Paludan Danimarka parlamentinə seçilməyib

Fins.az - Danimarkalı siyasətçi Rasmus Paludan parlament seçkilərində uğursuzluqla üzləşərək yalnız 155 səs toplayıb və Folketinqdə yer qazana bilməyib.

Əvvəllər “Stram Kurs” partiyasını qurmuş Paludan, “Quran”ın yandırılması etirazları ilə məşhurlaşıb və bu hərəkətləri İsveç və Danimarkada nifrəti qızışdırmaqda ittiham olunaraq məhkum edilib. Bu seçkilərdə o, Kopenhagendə müstəqil namizəd kimi iştirak edib, lakin nə o, nə də digər müstəqil namizədlər parlamentdə yer əldə edə bilməyiblər.

Seçkilər ümumilikdə gərgin şəraitdə keçib: heç bir blok səs çoxluğu qazana bilməyib, Sosial Demokratlar 120 ildən sonra ən pis nəticəni göstərib, Danimarka Xalq Partiyası isə mövqeyini gücləndirib.