İki keçmiş Özbəkistan kəndi rəsmi olaraq Qırğızıstanın tərkibinə daxil edilib

Fins.az - Özbəkistan ilə Qırğızıstan arasında dövlət sərhədinin demarkasiyası çərçivəsində iki yaşayış məntəqəsi rəsmi olaraq Qırğızıstanın tərkibinə verilib.

Söhbət əvvəllər Özbəkistanın Fərqanə vilayətinə aid olan Çonqara və Taş-Tobo kəndlərindən gedir.

Məlumata görə, həmin yaşayış məntəqələrində yaşayan təxminən 2500 nəfər də Qırğızıstanın yurisdiksiyasına keçib. Kəndlərin sakinlərinin əsas hissəsini etnik qırğızlar təşkil edir.

Qərar iki ölkə arasında sərhəd məsələlərinin yekun həlli və bölgədə sabitliyin möhkəmləndirilməsi istiqamətində atılan addımlardan biri kimi qiymətləndirilir.