Günəşdə gün ərzində ikinci güclü partlayış qeydə alınıb

Fins.az - Aprelin 24-də Günəşdə ən yüksək X sinfinə aid ikinci güclü partlayış qeydə alınıb. Bu barədə Fedorov adına Tətbiqi Geofizika İnstitutu məlumat yayıb.

Bildirilib ki, partlayış Moskva vaxtı ilə saat 11:13-də Günəş ləkələri qrupunda baş verib və X2.5 gücündə olub. Hadisə təxminən 17 dəqiqə davam edib.

Alimlərin sözlərinə görə, bu, son 2,5 ay ərzində qeydə alınan ən güclü Günəş aktivliklərindən biridir. Partlayış böyük plazma atılması ilə müşayiət olunub.

Mütəxəssislər hesab edir ki, hadisənin Yer üçün ciddi təhlükə yaratması ehtimalı azdır. Yalnız plazma buludunun kənar hissəsinin planetə təsir etməsi mümkündür.