Fransada ekstremal istilərlə əlaqədar Orsec fövqəladə planı işə salınıb

Fins.az - Fransa hökuməti ölkədə müşahidə olunan yeni isti hava dalğası ilə əlaqədar qırmızı təhlükə səviyyəsi elan edilən bütün departamentlərdə Orsec fövqəladə planını işə salıb.

Qərarın məqsədi yüksək temperaturun təsirinə ən həssas əhali qruplarının müdafiəsini gücləndirmək və mümkün riskləri minimuma endirməkdir.

Hökumətin sözçüsü Mod Brejon bildirib ki, qərar Baş nazir Sebastyən Lökornünün sədrliyi ilə Daxili İşlər Nazirliyində keçirilən böhran iclasından sonra qüvvəyə minib.