Fransada anomal istilər fonunda 40 nəfər suda boğulub

Fins.az - Fransada davam edən həddindən artıq isti hava dalğası ciddi faciəyə səbəb olub. Son bir həftə ərzində ölkənin müxtəlif su hövzələrində 40 nəfər boğularaq həyatını itirib.

Məlumatı ölkənin baş naziri Sébastien Lecornu açıqlayıb. O bildirib ki, ölənlərin əksəriyyəti gənc insanlardır və hadisələr əsasən insanların istidən sərinləmək üçün suya girməsi zamanı baş verib.

Fransa hazırda son illərin ən güclü istilik dalğası ilə üz-üzədir. Meteoroloji xidmətlərin məlumatına görə, ölkə 1947-ci ildən bəri ən isti gecələrindən birini yaşayıb.