Fransa erkən istilik dalğası ilə üzləşib

Fins.az - Fransada erkən istilik dalğası müşahidə olunur. Ölkənin meteorologiya xidməti bildirib ki, isti hava xüsusilə qərb bölgələrini və Paris şəhərini əhatə edir.

Son məlumata əsasən, Qərbi Fransa və İl-de-Frans bölgəsində yerləşən 18 inzibati ərazi üçün sarı səviyyəli istilik xəbərdarlığı elan olunub. Xəbərdarlıq Paris və paytaxt ətrafındakı ərazilərə də şamil edilir.

Meteoroloqların məlumatına görə, ölkənin şimalında hava temperaturu 30–35 dərəcə arasında dəyişir. Cənub-qərb bölgələrində və Ron vadisində isə temperatur 36 dərəcəyə qədər yüksəlir.