Fevral ayında qlobal çip satışları 1,6 dəfə artıb.

Yarımkeçirici Sənaye Assosiasiyasının (SIA) məlumatına görə, fevral ayında qlobal çip satışları ötən ilin eyni ayı ilə müqayisədə 1,6 dəfə (61,8%) artaraq 88,78 milyard dollara çatıb.

Bu rəqəm yanvar ayı ilə müqayisədə 7,6% artıb. SIA-nın prezidenti və baş direktoru Con Neyfer bildirib ki, "Asiya-Sakit okean, Amerika və Çində satışlar illik artımın əsas hərəkətverici qüvvələri olub. Güclü qlobal tələbatın ilin sonuna qədər davam edəcəyi və satışların təxminən 1 trilyon dollara çatacağı gözlənilir."

Fevral ayında Amerikada satışlar illik müqayisədə 59,2%, Avropada 42,3%, Çində 57,4%, Asiya-Sakit okean və digər bölgələrdə isə 93,5% artıb. Bu arada, Yaponiyada satışlar 0,3% azalıb.