Çində rəqəmsal aktivlərin miras qoyulmasına hüquqi zəmin yaradılıb

Fins.az - Çində məhkəmə təcrübəsi kriptovalyutalar, oyun hesabları, virtual əşyalar və sosial şəbəkə hesabları kimi rəqəmsal aktivlərin miras qoyulmasına hüquqi imkan yaradır.

Bu yanaşma rəqəmsal iqtisadiyyatın inkişafı fonunda virtual aktivlərin hüquqi statusunun dəqiqləşdirilməsinə yönəlib. Nümunəvi məhkəmə işlərindən birində mərhumun onlayn oyundakı qiymətli virtual əşyası irsin tərkib hissəsi kimi tanınıb və qanuni varisinə verilib. Eyni zamanda, həmin əşyanın əldə olunmasına töhfə vermiş digər şəxsin hüquqları da nəzərə alınaraq, aktivin dəyərinin tərəflər arasında bölüşdürülməsinə qərar verilib.