Çində fişəng zavodunda partlayış: 20-dən çox ölən var

Fins.az - Çinin mərkəzi hissəsində yerləşən Hunan vilayətində fişəng istehsalı zavodunda baş verən güclü partlayış nəticəsində azı 21 nəfər həyatını itirib, 61 nəfər yaralanıb.

Hadisə Liuyang şəhərində, paytaxt Changsha yaxınlığında yerləşən müəssisədə qeydə alınıb. Partlayış yerli vaxtla saat 16:40 radələrində baş verib.

Qəza yerinə təxminən 500 xilasedici cəlb olunub və itkin düşənlərin axtarışı davam edir.

Xi Jinping hadisədən sonra yaralıların xilas edilməsi, nəticələrin aradan qaldırılması və qəzanın səbəblərinin operativ araşdırılması üçün bütün imkanların səfərbər olunmasını tapşırıb.

O, həmçinin məsul şəxslərin cavabdehliyə cəlb olunmasının vacibliyini vurğulayıb və bütün regionlarda istehsalat təhlükəsizliyinə nəzarətin gücləndirilməsini tələb edib.