Cargo Dragon yük gəmisi Sakit okeana uğurla eniş edib

Fins.az - SpaceX tərəfindən hazırlanmış təkrar istifadə olunan Cargo Dragon yük gəmisi Beynəlxalq Kosmik Stansiyadan ayrıldıqdan sonra Sakit okeana uğurla eniş edib.

Məlumata görə, gəminin kapsulu orbitdən çıxaraq paraşüt sistemi vasitəsilə ABŞ-ın Kaliforniya ştatının cənub sahilləri yaxınlığında, San Diego ətrafında suya enib.

Kapsulun SpaceX-in qəza-xilasetmə gəmisinin köməyi ilə sudan çıxarılaraq göyərtəyə qaldırılması nəzərdə tutulur.

Cargo Dragon Beynəlxalq Kosmik Stansiyaya çatdırdığı yüklər və elmi materiallarla bağlı missiyasını uğurla başa vurub.