Böyük Britaniya ərzaq çatışmazlığı riskinə qarşı hazırlıq görür

Fins.az - Böyük Britaniya hökuməti Yaxın Şərqdə davam edən müharibənin təsirləri fonunda mümkün ərzaq çatışmazlığı riskinə qarşı hazırlıq tədbirləri görür.

Ssenarilərə əsasən, yay aylarına qədər xüsusilə toyuq və donuz əti məhsullarında qıtlıq yarana bilər. Rəsmilər bildirir ki, bu cür ehtimal planları gələcək riskləri öncədən qiymətləndirmək və qabaqlayıcı tədbirlər görmək məqsədi daşıyır.

Ölkənin Ətraf Mühit, Ərzaq və Kənd Təsərrüfatı Nazirliyi biznes strukturları ilə əməkdaşlığı gücləndirərək mümkün təsirlərin azaldılmasına çalışır.

Sektor nümayəndələri isə məhsul qıtlığından daha çox qiymətlərin artması riskinin narahatlıq doğurduğunu qeyd edirlər.