Belçikada plastik qablaşdırma tullantılarının təkrar emalı əhəmiyyətli dərəcədə artıb

Fins.az - Belçikada plastik qablaşdırma tullantılarının təkrar emalı sahəsində son dörd ildə mühüm irəliləyiş qeydə alınıb.

Məlumata görə, ölkədə plastik qablaşdırmanın təkrar emal səviyyəsi bu müddətdə təxminən altı dəfə artıb.

Bu nəticənin əldə olunmasında daha səmərəli çeşidləmə sisteminin tətbiqi, genişləndirilmiş mavi torba proqramı və yeni sənaye emalı infrastrukturunun yaradılması mühüm rol oynayıb.

Qeyd olunur ki, Belçika tullantıların idarə olunması sahəsində Avropa İttifaqının aparıcı ölkələrindən biri olaraq qalır.

Mütəxəssislər hesab edirlər ki, görülən tədbirlər ətraf mühitin qorunmasına və resurslardan daha səmərəli istifadəyə töhfə verir.