“Azeri Light” nefti 116 dolları ötüb

Fins.az - Azeri Light markalı Azərbaycan neftinin qiyməti dünya bazarında artıb.

Bir barel neftin qiyməti 2,93 dollar və ya 2,58 faiz yüksələrək 116,41 dollar təşkil edib.

Məlumata görə, “Azeri Light” neftinin tarixdə ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar səviyyəsində qeydə alınıb.

Ekspertlər neft qiymətlərindəki artımı qlobal enerji bazarındakı gərginlik və təchizat riskləri ilə əlaqələndirirlər.