Azərbaycan minifutbol millisi ikinci dəfə Avropa çempionu olub

Fins.az - Minifutbol üzrə Azərbaycan millisi Slovakiyada keçirilən Avropa çempionatının qalibi olub.

Elşad Quliyevin rəhbərlik etdiyi yığma final görüşündə Ukrayna millisi ilə qarşılaşıb. “Tipos Arena”da baş tutan oyunda Azərbaycan komandası rəqibini 2:0 hesabı ilə məğlub edərək Avropa çempionu adını qazanıb.

Bu nəticə ilə Azərbaycan millisi tarixində ikinci dəfə Avropa çempionu olub. Yığmamız ilk dəfə 2022-ci ildə qitənin ən güclü komandası adına layiq görülmüşdü.

Beləliklə, Azərbaycan minifutbolu növbəti böyük uğurunu əldə edərək Avropa çempionluğu kubokunu yenidən qazanıb.