Azərbaycan cüdoçusu Avropa çempionatında yarımfinala yüksəlib

Fins.az - Azərbaycan cüdoçusu Zelim Tçkayev Gürcüstanın Tbilisi şəhərində keçirilən böyüklər arasında Avropa çempionatında yarımfinala vəsiqə qazanıb.

81 kiloqram çəki dərəcəsində çıxış edən idmançı 1/4 final mərhələsində serbiyalı Vasiliye Gruyiçiçi məğlub edib. O, finala çıxmaq uğrunda gürcüstanlı Tato Qriqalaşvili ilə qarşılaşacaq.

Turnirin digər nəticələrinə görə, Südabə Ağayeva (70 kq), Ömər Rəcəbli (81 kq) 1/8 finalda, Murad Fətiyev (90 kq) isə 1/16 finalda mübarizəni dayandırıb.

Azərbaycan yarışda 9 kişi və 6 qadın olmaqla ümumilikdə 15 cüdoçu ilə təmsil olunur. Daha əvvəl Hidayət Heydərov gümüş, Əhməd Yusifov və Turan Bayramov isə bürünc medal qazanıblar.