Avropa İttifaqı və Yaponiya müdafiə əməkdaşlığını gücləndirməyi müzakirə edir

Fins.az - Avropa İttifaqı və Yaponiya müdafiə və təhlükəsizlik sahəsində əməkdaşlığın genişləndirilməsi yollarını müzakirə edir.

Avropa Komissiyasının məlumatına görə, tərəflər müdafiə sənayesi üzrə Aİ–Yaponiya dialoqunun ilk iclasında iştirak ediblər. Görüşdə Avropa Komissiyasının müdafiə məsələləri üzrə üzvü Andryus Kubilyus və Yaponiyanın iqtisadiyyat, ticarət və sənaye nazirinin dövlət katibi Tosion İno iştirak edib.

Tərəflər müdafiə sənayesində təchizat zəncirlərinin dayanıqlığının artırılmasının vacibliyini vurğulayıb və ikili təyinatlı sahələrdə birgə inkişaf imkanlarını müzakirə ediblər.

Bildirilib ki, əsas məqsəd sənaye bazalarının gücləndirilməsi və müdafiə sektorları arasında daha sıx əməkdaşlıq üçün çərçivənin yaradılmasıdır.